TS RTC: రాఖీ పౌర్ణమి.. మహిళలకు శుభవార్త చెప్పిన టీఎస్ ఆర్టీసీ

ప్రధానాంశాలు:

  • రాఖీ పౌర్ణమి సందర్భంగా మహిళలకు ఆర్టీసీ శుభవార్త
  • టీఎస్ ఆర్టీసీ కార్గో, పార్సిల్ సర్వీసుల్లో రాఖీలు పంపే ఛాన్స్
  • డోర్ టు డోర్ డెలివరీ సదుపాయం కల్పించిన టీఆర్ ఆర్టీసీ
TS RTC: ఆర్టీసీ బస్సుల్లో ప్రయాణికుల సంఖ్యను పెంచడానికి సంస్థ ఎండీ సజ్జనార్‌ (Sajjanar) ఇప్పటికే ఎన్నో ప్రయోగాలు చేశారు. కొత్తకొత్త కార్యక్రమాలు చేపట్టి.. ప్రజల మన్ననలు పొందారు. రకరకాల ఆఫర్లు ప్రకటిస్తూ ప్రజలను ఆకట్టుకుంటున్నారు. తాజాగా మరో మంచి ఆఫర్ ప్రకటించారు. రాఖీ పౌర్ణమి సందర్భంగా మహిళలకు తెలంగాణ రాష్ట్ర రోడ్డు రవాణా సంస్థ శుభవార్త చెప్పింది.
రాఖీ పౌర్ణమి రోజున మహిళలు వారి సోదరులకి స్వయంగా వెళ్లి రాఖీ కట్టలేని పరిస్థితులు ఉంటే.. టీఎస్ ఆర్టీసీ (TSRTC) కార్గో, పార్సిల్‌ సర్వీసుల ద్వారా.. అతి తక్కువ ధరలకే రాఖీలను పంపించుకోవచ్చని ప్రకటించింది. టీఎస్ ఆర్టీసీ కార్గో, పార్సిల్‌ సర్వీసుల ద్వారా హైదరాబాద్, సికింద్రాబాద్ (Secundrabad) జంట నగరాల్లో డోర్ డెలివరీ సదుపాయం కల్పించింది. దీని గురించి పూర్తి సమాచారం కోసం 9154298858, 9154298829 నంబర్లలో సంప్రదించాలని టీఎస్‌ ఆర్టీసీ సూచించింది. 
ఊర్ల నుంచి హైదరాబాద్ (Hyderabad) రాలేని వారికి ఇది ఎంతో ఉపయోగపడుతుందని వివరించింది. మహిళలకు తెలంగాణ ఆర్టీసీ ఎప్పుడూ తోడు ఉంటుందని.. అందుకే వారికి ఉపయోగపడేలా ఇలాంటి కార్యక్రమాన్ని తీసుకొచ్చినట్టు ఆర్టీసీ తెలిపింది. 

Nationalist Voice

About Author

error: Content is protected !!