Rainfall in Telangana: ప్రజలు ఇళ్ల నుంచి బయటికి రావొద్దు.. సీఎం కేసీఆర్ హెచ్చరిక

ప్రధానాంశాలు:

  • భారీవర్షాలపై తెలంగాణ ప్రభుత్వం అప్రమత్తం
  • రెవెన్యూ సదస్సుల వాయిదా వేస్తున్నట్లు ప్రకటన
  • సహాయచర్యలపై సీఎస్‌కు ముఖ్యమంత్రి కేసీఆర్‌ ఆదేశాలు
రాష్ట్రవ్యాప్తంగా ఏకధాటిగా కురుస్తున్న భారీ వర్షాల నేపథ్యంలో ప్రభుత్వ యంత్రాంగం అప్రమత్తంగా ఉండాలని ముఖ్యమంత్రి కె.చంద్రశేఖర్‌రావు(KCR) ఆదేశించారు. లోతట్టు ప్రాంతాల్లో సహాయచర్యలు చేపట్టాలని, ఎలాంటి ప్రాణ, ఆస్తి నష్టం జరగకుండా చర్యలు చేపట్టాలని సూచించారు. రాష్ట్రంలో భారీవర్షాలు కురుస్తున్నందున ప్రజలు అనవసరంగా రిస్కు తీసుకోవద్దని, అత్యవసరమైతే తప్ప బయటకు రావొద్దని సూచించారు. సంబంధిత ప్రభుత్వ శాఖల యంత్రాంగాన్ని అప్రమత్తం చేయాలని, వెంటనే రక్షణ చర్యలు చేపట్టాలని ప్రభుత్వ ప్రధానకార్యదర్శి సోమేశ్‌ కుమార్‌ను శనివారం ఆదేశించారు. రాష్ట్రంలో భారీ వర్షాలు కురుస్తున్న నేపథ్యంలో అన్ని జిల్లాల కలెక్టర్లు సహా సంబంధిత శాఖల అధికారులతో వీడియో కాన్పరెన్స్‌ నిర్వహించాలన్నారు.వాతావరణ శాఖ తెలంగాణలో రెడ్‌ అలర్ట్‌ ప్రకటించిన నేపథ్యంలో ప్రభుత్వ యంత్రాంగాన్ని అప్రమత్తం చేస్తూ సీఎస్ సోమేశ్‌కుమార్‌కు శనివారం పలు సూచనలు చేశారు. వరదలతో ఎలాంటి ప్రాణ, ఆస్తి నష్టం జరగకుండా తక్షణమే రక్షణ చర్యలు చేపట్టాలని ఆదేశించారు. జిల్లాల్లో మంత్రులు, ఎంపీలు, ఎమ్మెల్యేలు, స్థానిక సంస్థల నాయకులు, ప్రజాప్రతినిధులు తగిన చర్యలు చేపట్టి ప్రజలకు అండగా ఉండాలని సూచించారు. మహారాష్ట్రతో పాటు తెలంగాణలోనూ రెడ్‌ అలర్ట్‌ ఉన్న నేపథ్యంలో తాను కూడా ఎప్పటికప్పుడు పరిస్థితులను సమీక్షిస్తుంటానని పేర్కొన్నారు. భారీవర్షాల నేపథ్యంలో ఈ నెల 11న ప్రగతి భవన్‌లో నిర్వహించాల్సిన మంత్రులు, ఎమ్మెల్యేలు, కలెక్టర్ల ‘రెవెన్యూ సదస్సుల అవగాహన’ సమావేశాన్ని వాయిదా వేస్తున్నట్లు కేసీఆర్ తెలిపారు. 15వ తేదీ నుంచి మండల కేంద్రాల్లో ప్రారంభించాలని నిర్ణయించిన ‘రెవెన్యూ సదస్సులను’ సైతం వాయిదా వేస్తున్నట్లు ప్రకటించారు. సాధారణ పరిస్థితులు నెలకొన్న తర్వాత కొత్త తేదీలను ప్రకటిస్తామన్నారు. 
Nationalist Voice

About Author

error: Content is protected !!