AICC: రాజగోపాల్‌ రెడ్డిపై హైకమాండ్ సీరియస్.. రాజీనామాకు ముందే వేటు!

ప్రధానాంశాలు:

  • కోమటిరెడ్డి రాజగోపాల్‌రెడ్డిపై వేటు ఖామమేనా
  • రంగం సిద్ధం చేసిన కాంగ్రెస్‌ హైకమాండ్
  • మునుగోడులో 50వేల మందితో త్వరలో సభ
మునుగోడు ఎమ్మెల్యే కోమటిరెడ్డి రాజగోపాల్ రెడ్డి(Komatireddy Rajgopal Reddy) వ్యవహారంపై ఏఐసీసీ(AICC) కీలక నిర్ణయం తీసుకుంటున్నట్లు తెలుస్తోంది. పార్టీ మారేందుకు సిద్ధమైన ఆయనపై ముందుగానే వేటు వేయాలని పార్టీ అధిష్ఠానం యోచిస్తున్నట్లు సమాచారం. దీనిపై రాజగోపాల్‌రెడ్డి సోదరుడు ఎంపీ వెంకట్‌రెడ్డిపై ఇప్పటికే చర్చించినట్లు పార్టీలో ప్రచారం జరుగుతోంది. పార్టీని వీడేందుకు సిద్ధమైన ఆయనకు అంతకుముందే వేటు వేస్తే ఇతర నేతల్లో భయం ఉంటుందని పెద్దలు భావిస్తున్నారు.
రాజగోపాల్‌రెడ్డిపై వేటు వేస్తూనే మునుగోడులో పార్టీ శ్రేణులను కాపాడుకునేందుకు కసరత్తు చేస్తోంది.
స్థానికంగా ఉన్న నాయకత్వాన్ని కాదని కోమటిరెడ్డికి టికెట్‌ ఇచ్చి గెలిపించుకుంటే ఆయన సొంత ప్రయోజనాల కోసం పార్టీ ఫిరాయించేందుకు సిద్ధమవుతున్నారన్న అంశాన్ని ప్రజల్లోకి బలంగా తీసుకెళ్లాలని కాంగ్రెస్ పార్టీ నిర్ణయించింది. ఈ మేరకు మునుగోడులో విస్తృతంగా ప్రచార కార్యక్రమాలు చేపట్టాలని నిర్ణయించినట్టు పార్టీ నేతలు చెబుతున్నారు. విచారణ పేరిట సోనియా, రాహుల్‌ను ఈడీ వేధిస్తోందంటూ దేశవ్యాప్తంగా కాంగ్రెస్‌ శ్రేణులు పెద్ద ఎత్తున ఆందోళన చేపట్టిన వేళ.. ఈ అంశంపై చట్టం తన పని తాను చేసుకుని పోతుందంటూ రాజగోపాల్‌రెడ్డి వ్యాఖ్యానించడాన్ని హైకమాండ్ తీవ్రం గా పరిగణించినట్లు తెలుస్తోంది.
దివంగత నేత పాల్వాయి గోవర్థన్‌రెడ్డి హయాం నుంచి మునుగోడు నియోజకవర్గంలో కాంగ్రెస్‌ పార్టీకి బలమైన పునాదులు ఉన్నాయి. ఆపరేషన్‌ ఆకర్ష్‌ పేరిట టీఆర్‌ఎస్‌ ప్రలోభాలకు గురి చేసినా అక్కడ కాంగ్రెస్‌ కేడర్‌ చెక్కు చెదరలేదు. సుదీర్ఘకాలం పాటు మునుగోడు నుంచి ప్రాతినిథ్యం వహించిన పాల్వాయి గోవర్ధన్‌రెడ్డి మరణించాక ఆయన రాజకీయ వారసురాలిగా కుమార్తె స్రవంతి పార్టీలో క్రియాశీలంగా పనిచేస్తున్నారు. అయితే 2018 ఎన్నికల్లో కాంగ్రెస్ పార్టీ అనూహ్యంగా రాజగోపాల్‌రెడ్డికి టికెట్‌ ఇచ్చింది. తాజాగా రాజగోపాల్‌ రెడ్డి వ్యవహారంపై అలర్ట్ అయిన ఢిల్లీ పెద్దలు ఈడీ విచారణపై ఆయన చేసిన వ్యాఖ్యలకు సంబంధించిన వీడియోలతో పాటు ఆయన వ్యవహారశైలిపై నివేదిక తెప్పించుకున్నారు. ఈ క్రమంలోనే నియోజకవర్గంలో రాజగోపాల్‌రెడ్డి తీరును ఎండగట్టేలా ప్రచార కార్యక్రమాలు చేపట్టాలని స్థానిక కేడర్‌ను ఆదేశించారు. ఇందులో భాగంగానే కేడర్‌కు భరోసా కల్పించేందుకు 50వేల మందితో బహిరంగ సభ నిర్వహించాలని అధిష్ఠానం నిర్ణయించినట్లు స్థానిక నేతలు చెబుతున్నారు.
Nationalist Voice

About Author

error: Content is protected !!