సరిహద్దుల్లో జవాన్ల దీపావళి

  • దీపాలు వెలిగించి, బాణసంచా కాల్చి వేడుకలు
  • దేశ ప్రజలకు పండుగ శుభాకాంక్షలు తెలిపిన సైనికులు
  • భద్రత బాధ్యత తమకు వదిలి పండుగ సంతోషంగా జరుపుకోవాలని సూచన
దీపావళి సందర్భంగా దేశమంతటా జనం వేడుకలు జరుపుకుంటున్నారు.. విదేశాల్లోనూ దీపాల పండుగను ప్రజలు ఆనందోత్సాహాల మధ్య జరుపుకుంటున్నారు. పండగపూట సరిహద్దుల్లో విధులు నిర్వహిస్తున్న జవాన్లు కూడా ఈ వేడుకల్లో పాల్గొన్నారు. దీపాలు వెలిగించి, బాణసంచా కాల్చుతూ ఒకరికొకరు శుభాకాంక్షలు చెప్పుకున్నారు. ఇంటికి దూరంగా ఉన్నామనే లోటు కనిపించకుండా సంతోషంగా గడిపారు. రోజూ విధులు నిర్వహించే చోటే పండుగను జరుపుకున్నారు. దంతెరస్ సందర్భంగా లక్ష్మీ దేవీకి పూజలు చేశారు. ఈ సందర్భంగా కొంతమంది జవాన్లు విలేకరులతో మాట్లాడుతూ.. దేశ ప్రజలందరికీ దీపావళి శుభాకాంక్షలు తెలిపారు. సరిహద్దుల్లో తామంతా అప్రమత్తంగా ఉన్నామని, భద్రత విషయంలో ఎలాంటి ఆందోళన పెట్టుకోకుండా సంతోషంగా దీపావళి జరుపుకోవాలని సూచించారు.
ఈ ఏడాది కూడా సైనికుల మధ్యే ప్రధాని
ఏటా దీపావళికి ప్రధాని నరేంద్ర మోడీ సైనికులతో కలిసి వేడుకలు జరుపుకోవడం తెలిసిందే. 2014లో ప్రధానిగా బాధ్యతలు స్వీకరించిన తర్వాత ఆయన దీపావళి వేడుకలను జవాన్లతో కలిసి జరుపుకుంటున్నారు. ఈ ఏడాది కూడా దీపావళి వేడుకలను సైనికుల మధ్యే జరుపుకోనున్నట్లు సమాచారం. అయితే, అది ఎక్కడ అనేది మాత్రం అధికారులు వెల్లడించలేదు. భద్రతా కారణాలరీత్యా ఈ విషయాన్ని చివరి నిమిషం వరకూ రహస్యంగా ఉంచనున్నారు.
Nationalist Voice

About Author

error: Content is protected !!