చిన్నారుల్లోనూ, టీనేజర్లలోనూ హైబీపీ… ఎందుకు వస్తుందో చెప్పిన నిపుణులు

హైబీపీ, ఊబకాయం వంటి రుగ్మతలు చాలా తరచుగా ఒకే ఫ్యామిలీలోని వ్యక్తుల్లో కనిపిస్తుంటాయని, అందుకే ఇలాంటి కుటుంబాల్లోని వ్యక్తులందరూ కూడా తమ జీవనశైలిలో మార్పులు చేసుకోవడం అవసరమని పేర్కొన్నారు. ముఖ్యంగా, హైబీపీతో బాధపడే పిల్లలకు తాజా కూరగాయలు, ఫలాలు, పీచు పదార్థం ఎక్కువగా ఉండే ఆహారం అందించాలని, తగు మోతాదులో ఉప్పు వాడకం, స్వీట్లు, శీతల పానీయాలు, కొవ్వు పదార్థాలకు దూరంగా ఉంచడం వల్ల వారిలో హైబీపీ లక్షణాలను అదుపులో ఉంచవచ్చని సిమోన్ పేర్కొన్నారు. 
పిల్లలు, టీనేజర్లు రోజులో కనీసం ఒక గంట పాటైనా కసరత్తులు చేయాలని, జాగింగ్, సైక్లింగ్, స్విమ్మింగ్ చేయాలని సూచించారు. రెండు గంటలకు మించి ఒకే చోట కదలకుండా కూర్చోవడం వంటివి చేయరాదని తెలిపారు. పిల్లలు అదేపనిగా టీవీ, స్మార్ట్ ఫోన్ వినియోగిస్తుంటే తల్లిదండ్రులు వారిని గమనిస్తుండాలని, వారిని ఇతర శారీరక పనుల వైపు మళ్లించాలని వెల్లడించారు. తరచుగా వారి బరువు, ఆహారపు అలవాట్లు, వ్యాయామ సమయం వంటి అంశాలల్లో వాస్తవిక లక్ష్యాలను నిర్దేశించి, అందుకు అనుగుణంగా వారిని పరిశీలిస్తుండాలని ప్రొఫెసర్ సిమోన్ వివరించారు.

Nationalist Voice

About Author

error: Content is protected !!